عفروتو : لن أترك الأهلى أبداً ولو هشتغل بواب بالنادى .. وعمرى ما هتمرد على القلعة الحمراء

نفى مصطفى عفروتو لاعب الاهلى رغبته فى الرحيل عن النادى بعدما استبعده مانويل جوزيه المدير الفنى للفريق من القائمة الافريقية .

وقال عفروتو فى تصريحات لبرنامج "مساء الانوار" على قناة "مودرن سبورت" انا زعلان لكن عمرى ما افرط فى الاهلى لأنه بيتى ومش هأمشى الا لما يقولولى شكرا ، وهأفضل متمسك بالنادى لأخر دقيقة فى عمرى " .

واضاف " عمرى ما هسيب الاهلى حتى لو اشتغلت فيه بواب ، ونجوم كتير رحلت عن الفريق ولكن اتبهدلت بعد كده ".

وعن تصريحات والده الذى اعلن فيها ان نجله سيرحل عن الفريق بعدما استبعده جوزيه من القائمة الافريقية قال عفروتو "والدى كان زعلان عليا لكن مسألة رحيلى من الاهلى مش بتاعت حد ، وانا عمرى ماهتمرد على الاهلى حتى لو قعدت على دكة البدلاء " .

واشار عفروتو انه سيحترم قرار الجهاز الفنى مهما كان مؤكدا انه سيبذل قصارى جده الفترة المقبلة لينال ثقة جوزيه